-----------------------------------
قصيده أعجبتني ونقلتها لكم أتمنى تعجبكم __ وياليت اللي يعرف قايلها يخبرنا ولا يبخل علينا _
يالقاف أنا فالشعـر مانـي اعليمـي
أنحت جلاميده واحده علـى أقصـاه
ياكـم قنعنـا بالـنـوادر حكيـمـي
وياكـم خبيـر بالجـزايـل قنعـنـاه
قينـا جبلـه مـن زمـان قديـمـي
ورثة أبو عن جـد,, حنـا ورثنـاه
والشعر فصـدور العـوارف مقيمـي
وحنا عـن دروب المباديـل صنـاه
نصح وفخر واحيـان سـم سقيمـي
واللـي ينومـس للمدايـح وصلنـاه
واليوم أبا أمدح فالعـوارف حشيمـي
وش عاد حتى مكسبه.. لو مدحناه..؟!
قدره عظيـم وفالوصايـف عظيمـي
وقافي يشيـب ولا حصرنـا مزايـاه
شباب راع الطيـب زبـن العديمـي
كفـخ الجنـاح اللـي قليـل حلايـاه
ذخر الصحيب.. وضد عين الخصيمي
ياكـم خصيـم يشتكـي حـر شلفـاه
أمر المراجـل فـي يمينـه حتيمـي
ونفسه على كسب العوالـي مضـراه
أبـو هـلا راع المقـام المديـمـي
طلق الحجاج مدلع الضيـف لا جـاه
فـي مجلسـه للعـز حـد صريمـي
واللي جهل ينشد هل العرف والجـاه
كريم .. مار أحيان ماهـوب كريمـي
فـوق الكـرم تلقـى محلـه وتلقـاه
ولـو للوفـا والعـز رجـل يتيمـي
أنا أشهـد انـه يالمطاليـق مربـاه
هو محزمي لا ثـار عـج وعسيمـي
وهو محزمي.. لا حان وقت المـلالاه
ورجـل تحيـزم بالحـزام القطيمـي
لا ميلت.. ماخاب مـن هـو تعـزواه
والله ليبطـن زاهـيـات الزميـمـي
وهن ما أنجبن مثله ,,ولا قيل شرواه
وياللي تمر عصيـل كانـك فهيمـي
حـاذور خيـال الكحـيـلا تـعـداه
وان كـان وانـك للمراجـل نهيمـي
أرد القـراح ودلـه النفـس بـرواه
وسير على شبـاب ولـد العصيمـي
عبيد. اللـي ياعسـى الخلـد مثـواه
وليا حصل فالعلم سيـن"ن" وجيمـي
رد الخبر عنـي وهاتـه مـن أتـلاه
وقول المقاطي قـال.. والله عليمـي
قـول علـى عـز ومعـزه نقلـنـاه
من لا يخاوي فـي حياتـه عصيمـي
في ذمتـي مـا ذاق طعـم المخـاواه
الثلاثاء يوليو 08, 2008 9:33 am
